"Шăпăр пар-ха"][ Катя Александрова / Katt’ă Aleksantrăvă

Таня патне юлташĕ Вера килчĕ. Малтанах вĕсем иккĕшĕ шăкăл-шăкăл калаçса ларчĕç. Таня апат пĕçерчĕ, чашăк-тирĕк çурĕ, тусан шăлчĕ. “Шăпăр пар-ха, урай шăлам”, – терĕ Вера сасартăк ялтах сиксе тăрса.
Акă вăл та ĕçе пуçĕнчĕ. Анчах темшĕн ун хыççăн çÿп-çап çаплипех юлчĕ. “Пулчĕ те. Халĕ атя уçăлса çÿреме”, – терĕ вăл тусне.
“Каçар. Анчах ĕçе типтерлĕ пурнăçламасăр ниçта та каймастăп”, – тесе Таня çĕнĕрен урай шăлма тытăнчĕ. Вера кÿренчĕ. “Хăвăра ытла тирпейлĕ пек кăтартатăр”, – тесе алăка хыттăн хупса хăварчĕ.

(c)*

Августа Степанова: Ÿкĕнÿ

Верăна усал хыпар пĕлтерчĕç. Хулана ĕçпе кайнă ашшĕпе амăшĕ аварие çакланнă. Ĕмĕрлĕхех куçĕсене хупнă…

Кăшкăрса макăрчĕ хĕр ача. “Çук, ĕненместĕп! Ирхине мана юратса хăварчĕç. “Кĕçех таврăнăпăр”, – терĕç. Апла пулсан паян атте-аннене куратăпах”, – терĕ хĕр ача хăйне лăплантарса.Малаллине вулас

Петĕр Çăлкуç: Ачасем валли

Са — са
Са-са-са – улăхра вĕçет сăпса.
Су-су-су – епле хитре сан сассу.
Си-си-си – чăрăш-хыр чи симĕсси.
Се-се-се – пурăнатăп тĕлĕнсе.

Чăмлакансем
Шурик юратать-çке шушкă,
Петя, Павăл – пÿремеч.
Пирĕн туслă пĕчĕк ушкăн
Чăмламасăр çÿремест.

Вăйăçсем
Тухрĕç урама хурсем,
Кăрккасем, кăвакалсем.
Эс те, тусăмçăм, килсем,
Выльăпăр çĕн вăйăсем.

Кулакан Микулай
Кăмăллăн кула-кула
Кунсерен утать шкула,
Кунсерен утать шкула
Харсăр пĕчĕк Микула.

Харсăр Кириле
“Пиллĕксем” иле-иле
Таврăнать шкултан киле,
Таврăнать шкултан киле
Харсăр пĕчĕк Кириле.

Вулама пулать аван
Сулахайран, сылтăмран

Шах-шах-шах – хаш-хаш-хаш!
Шав-шав-шав – ваш-ваш-ваш!
Шăп-шăп-шăп – пăш-пăш-пăш!
Чак-чак-чак – кач-кач-кач!
Çук-çук-çук – куç-куç-куç!
Шăн-шăн-шăн – нăш-нăш-нăш!
Сав-сав-сав – вас-вас-вас!
Рак-рак-рак – кар-кар-кар!
Сак-сак-сак – кас-кас-кас!
Сап-сап-сап – пас-пас–пас!

Йĕркесене вĕçлĕр
Ра-ра-ра – эп тăратăп …
Ри-ри-ри – эсир мана …
Ре-ре-ре – кăчăк туртрăм …
Ра-ра-ра – уттартăмăр …
Ар-ар-ар – ăмăртса пĕрле…
Ер-ер-ер – чун каниччен…
(Урамра, куртăр-и? Петĕре,
Мăйăра, татар, шĕкĕлчер).