Митта Ваçлейĕ: Асамат


Асамат

(Чăваш автономине)

Тĕнчене кисретсе аслати çĕхĕрсен,
Вăйлă тăвăл иртсессĕн тискеррĕн,
Ĕмĕрхи ĕмĕтри хĕвел тухрĕ хĕрсе,
Тухрĕ çут асаматăн кĕперĕ.

Ытарса илейми куç тулли çĕн илем:
Асамат та çутă хĕвелĕм!
Эй, кама эп паян юррăма пехиллем,
Камшăн юррăм илемĕ çĕнелĕ?!

Асамат та, хĕвел те — пĕрле!
Тĕнчеленнĕ илемлĕх паян кун,
Таврипех юрă-сасă кĕрлет,
Таврипех — кĕмĕл саслă тальянка.

Çĕнĕ саслă тĕнче, çĕнĕлле сăн-сăпат,
Шенкерпе пиеленнĕ тăванлăх!
Халиччен те пулман сасăпа
Паян кун ман тăван аталаннă.

Ахаль мар-мĕн сăрнай ирсенче
Тĕмсĕлсе ăмсанатчĕ ирĕк.
Эй, тăван, юрруна кисрентер!
Кисрентер юрруна, аслă хирĕм!

Вылянать асамат умăмра.
Асамат вăл — çĕн пурăнăç ирĕ.
Асамат варрине ылтăнран
Эп çыратăп:
«Республика пирĕн!»

1928

Шухăшăра пĕлтерĕр

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.