Митта Ваçлейĕ: Утаман


Утаман

Sijen1• Этеме турă вырăнне хуни

Ахăрать, кăтăрать тинĕс шывĕ,
Темĕнле тытăçать пĕрмаях.
Инçетре…
Инçетре…
Ах, мĕн-ши вăл?
Те — телейлĕ хĕвел, те — маяк?

Инçетре…
Инçетре…
Ах, мĕскер вăл?
Ах, мĕскер вутланать тинĕсре?
Нимĕн те мар ăна хум кисревĕ,
Сÿнтереймĕ ăна нимĕскер…

Ак пырать тинĕспе вутлă крейсер —
Хумсене ывăтан Утаман.
Шанчăксем ун вăйне хĕтĕртеççĕ,
Ун чĕрийĕ — çунан вутама.

Ун чĕри тăвăлпа çирĕпленнĕ,
Ун чĕри тимĕр-хурăç татать,
— Эй, карап капитанĕ —
Ленин,
Каласам, миçе çухрăм тата?

Инçе мар,
Инçе мар
Пирĕн шанчăк!
Ав умрах çут маяк ялкăшать.
Тинĕс хумĕсем те ĕнтĕ шăнчĕç,
Ватă тинĕс сывлать ак кăштах…

Вунă çул тинĕсре чаплă крейсер,
Вунă çул ыткăнать Утаман.
Шанчăксем ун вăйне хĕтĕртеççĕ,
Ун чĕрийĕ — çунан вутама.

Самананăн пархатарлă ывăль —
Хурçăланă карап Утаман.
Халĕ урнă тинĕсĕн шывĕ
Час тапратĕ ăна пуççапма…

1927

Шухăшăра пĕлтерĕр

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.