Таса Гурійе Асăнса Вĕрентсе Калани


Кузьма Сидоровъ


Раштав 5-мĕшĕ

Хусанти Хăватсем Тăвакан Таса Архіерей Гурійе Асăнса Тăвакан Праçник Кунĕ Вĕрентсе Калани

Ашшийĕн, Ывăлийĕн, Святой Сывлăшийĕн йађĕпе. Святой Гурій Хусан хулинђе архіепископ пулса пу­рăннă; унăн йатне асăнса епир пайан праçник тăватпăр.

Кашни çын, йепле тĕнпе пурăнсан та, мĕнле халăх пулсан та, хăй тĕнне тĕрĕс тытса тăма тăрăшат̌; мĕн вăй çитнĕ таран ытти çынна та ăнлантарса вĕрентме тăрăшат̌.

Святой Гурій Хусана килнĕ вăхăтра, Хусан халăхĕ, хаљхи пек Христос тĕнĕпе çутăлса тăман. Вăл вăхăтра унта тутар халăхĕ пит нумай пулнă. Тутарсем вырăс çыннисене хăйсен йенне çавăрасшăн тăрăшнă. Тĕреклĕленсех çитмен вырăс çыннисем, Хусан тавăрашĕнђи ђăвашсем, вотяксем, çармăçсем Христос тĕнĕ çинђен илтнĕ пул­сан та, ăна ђиперех пĕлмен. Çак пур йенне те сулăнма хатĕр çынсене Христос тĕнĕпе пурăнђђăр тесен, вĕсене астуса вĕрентсе тăма, вĕреннĕ, ăслă, Христос тĕн­не тĕреклĕ пĕлсе тăракан çын кирлĕ пулнă. Хăй кил­çуртне ђипер, йĕркелĕ усрас тийекен çын, ăна йепле те пулин ĕçĕ ăнса пытăр, килĕшÿлĕ пултăр тесе ăна усрас­шăн тăрăшат̌, унсăрăн вăл хăй пурăнăçĕ малалла каймассине пĕлсе тăрат̌. Кунта та çакăн пекех пулнă. Святой Гурій Хусана килсен, мĕн тумаллине, хăйне вĕрентсе пăх­са тăма хушнă халăх, Христос тĕнне пăрахса тутарсен йенне ан сулăнтăр тесе питĕ сыхă пăхса тăнă. Хусан хулийĕн çыннисене анђах кăна мар, ун çывăхĕнђи халăх­сене те: ђăвашсене, мăкшăсене, тутарсене вĕрентме пит хытă тăрăшнă. Çапла тăрăшса вĕрентнĕ пирки, Хусан тавă­рашĕнђи священниксем те, хăйсене пăхса тăма хушнă çынсене вĕрентсе, ытти çынсем вĕрентсе пăсасран пит хы­тă астуса пурăннă. Вĕсем тăрăшнă пирки, Хусанпа ун тавăрашĕнђи халăхсем ĕлĕк тутар (мухаммед) тĕнне кĕрсе хăйсен ђунĕсене çухатма хатĕрскерсене пĕтесрен ђарса хăварнă.

Таса Гурий ÿкерчĕкĕ. 

Епĕ сире, тăвансем, святой Гурій хăйĕн аслăлăхĕпе Хусанпа ун тавăрашĕнђи халăха вĕрентсе Мухаммед тĕнĕ йенне сулăнса, хăйсен ђунĕсене çухатасран çăлса хăварнă тесе каларăм. Халĕ тата хамăр çийе çавăрăнса пăхар-ха. Пирĕн пурăнăç та вĕренсе ăслă, ђипер, йĕркелĕ пурăн­нинђен килмест-и вара? Вăл акă мĕнрен паллă. Кашни вулăсра, ђипер, ăнлă пуçлă, вĕреннĕ çынна, вăл халăха усă кÿме, йĕркелĕ усрама тăрăштăр тесе, суйласа хураç­çĕ. Ун пек çын хăй ăсĕпе, вулăса лăпкă усрама, пур тĕр­лĕ усал ĕçсенђен сыхласа тăма (пурăнат̌) тăрăшат̌. Ун пек çыннăн куланайĕ те, хырçи-марçи те, ытти ĕçĕсем те вăхăтра пулса пыраççĕ. Вăл пуçлăхне те, халăха та йу­раса пурăнат̌. Йе тата хамăр йал хушшинђех те, пур ырă пурăнăçпа усал пурăнăç, старастаран килет. Астуса илĕр- ха акă, виç-тăватă çул анђах, хамăр йал хушшинђе кул­лен ĕçкĕ, куллен тавлашу кăшкăрашу анђахђĕ, йал хуш­шинђе урăх ним тума та пĕлмесђĕç. Куланайĕ те, ытти хырçи-марçи те тÿленмен, хуралĕ те йĕркелĕ мар, укăљђине те тытман, кĕтÿçи те пăрахса кайнă, ăçта кăна пăх, пур çĕрте те пĕр йĕркесĕрлĕх анђах. Йе тата хамăр кил­çурт хушшинех пăхар. Кил-çуртра хуçи ăнлă пуçлă, йĕркелĕ çын пулсан, унăн çемйи хушшинђе вăрçу тавла­шу, йе тăванĕсем, йе кинĕсем вăрçса хирĕçсе пурăнмаç­çĕ, шав килĕшÿ, шав йĕрке. Ун пек çыннăн аки-сухи те вăхăтра пулса пырат̌, тырри-пулли те ăнса пырат̌, выљăхĕ-ђĕрлĕхĕ те тÿлет.

Епир, тăвансем, Турра тĕрĕс ĕненессипе пурăнăçа ма­лалла йарасси ăçтан килнине пĕлетпĕр. Малашне хамăр та халĕ илтнĕ сăмахсем тăрăх пурăнасшăн тăрăшар. Ђипер çынсем пурăнăçне курса вĕсенђен ађа-пăђамăра Хри­стос хушнă пек, Турăран хăраса, Ăна пăхăнса, хисеплесе, Унăн тĕнĕпе пурăнма вĕрентме тăрăшар. Турă вара пире хăйĕн ырăлăхне памасăр хăвармĕ, ађа-пăђа уссине курмал­ла тăвĕ. Вара епир те Унăн таса çыннисемпе пĕр хисепе кĕме тивĕçлĕ пулăпăр. Амин.

Шухăшăра пĕлтерĕр

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.