Тайăр Тимкки (1889-1901) ача чухнех тăлăха юлнăскер, пуп патĕнче тарçăра тăрса ÿснĕ. Чĕмпĕрти чăваш шкулĕнче вĕреннĕ. Революци юхăмне хастаррăн хутшăннă пропагандиста Çĕпĕрте ссылкă курма та тивнĕ… Тĕплĕнрех →
Шухăш
Хирте, суха хыçĕнче.
Эпĕ нумай çÿрерĕм.
Çĕрĕн йывăр ĕçĕнче
Нихçан ырлăх курмарăм.
Акнă тырă шăтмарĕ,
Пысăк выçлăх çул килчĕ.
Хăш çул тырă пулмарĕ,
Хăш çул пăрпа çĕмĕрчĕ.
Хĕнре, тертре пурăнса.
Эпĕ выçă ларатăп.
Ялан, хытă ĕçлесе,
Вăйран кайса ÿкетĕп.
Пирĕн йывăр ĕçлени
Мĕншĕн ахаль çухалать?
Пирĕн мĕнпур тар тăкни
Харам пырта саланать…
Йĕри-тавра куççуллĕ
Йĕри-тавра йынăшни…
Вĕçĕмсĕр тĕнче тулли
Вăйсăр халăх юн тăкни…
Анчах эпир йынăшни
Тутă çынна илтĕнмест.
Эпир вĕри хуйхăрни
Сивĕ пÿртре ăшăтмасть.
Мĕншĕн, мĕскĕн халăхсем,
Эпир çапла тÿсетпĕр
Мĕншĕн вĕри куççульсем
Çĕре ахаль тăкатпăр.
Çитĕ пире тертленме!
Пурте пĕрле пухăнăр.
Тĕрлĕ харам пырсене
Ĕнсе çинчен пăрахар.
1906
↓ ↓ ↓
Малаллийĕ пĕлтерÿ хыççăн
VulaCV.com
2019 çулхи юпа 31-мĕшĕнче VulaCv WordPress платформине куçнăранпа 7 çул тулчĕ… 2020 çулăн Март уйăхĕнче вара пирĕн домен VulaСV.com пулса кĕскелчĕ.
– VulaCv, Вула чăвашла редакцийĕ
Сайта кĕртнĕ çĕнĕ текстсем:
- Христосăн Таса Хĕресне Çĕкленĕ Кун Вĕрентсе Калани
- Турă Амăшĕ Çуралнă Кун Вĕрентсе Калани
- Христос Умĕн Килсе Христоса Шыва Кÿртекен Святой Іоанн Пророк Пуçне Каснине Асăнса Тăвакан Праçник Кун Вĕрентсе Каламалли
↓ ↓ ↓
Малаллийĕ
