Анне вилсен
Улма йывăçĕ чĕрĕлмен
Тĕпне шăши кышланăран.
Манăн анне тăмарĕ
Чунне турă илнĕрен.
Ах, аннеçĕм, тăван анне,
Алли-ури çыхланнă.
Вилĕм каснă, чунĕ тухнă,
Пĕр чĕнмесĕр выртать-çке.
Çерем каснă, шăтăк чавнă,
Анне валли çурт тунă –
Ĕмĕрлĕх пурнăçа пурăнми,
Пирĕн куçа курăнми.
Ах, чунăм хурланать,
Чунăм тухас пек тăрайрать.
Анне шăтăкра выртать-çке,
Çиелтен тăпрапа витĕнет-çке.
Шухăшларăм, кулянтăм
Анне шăтăкра выртнинчен.
Ах, турăçăм, турăçăм,
Пĕр турă пăрахминччĕ.
Ах, аннеçĕм-аннеçĕм,
Вилĕм шăтăкне кĕретĕн,
Пĕр чĕнмесĕр выртатăн-çке,
Чĕлхи вĕçĕ çыхланса.
Ах, аннеçĕм-аннеçĕм,
Ĕнерхи кун калаçатчĕ,
Паянхи кун пĕр чĕнмесĕр
Вилĕм тум-тирĕпе выртать-çке.
1910
↓ ↓ ↓
Малаллийĕ пĕлтерÿ хыççăн
VulaCV.com
2019 çулхи юпа 31-мĕшĕнче VulaCv WordPress платформине куçнăранпа 7 çул тулчĕ… 2020 çулăн Март уйăхĕнче вара пирĕн домен VulaСV.com пулса кĕскелчĕ.
– VulaCv, Вула чăвашла редакцийĕ
Сайта кĕртнĕ çĕнĕ текстсем:
- Христос Турă Шыва Кĕнĕ Кун Вĕрентсе Калани
- Раштав Уйăхин 26-мĕш Кунĕнђе Вĕрентсе Калани
- Христос Çуралнă Кун Вĕрентсе Калани
↓ ↓ ↓
Малаллийĕ
