---

Ялти куштансем

Çакă аслă тĕнчере
Нумай халăх çуралать,
Хăшĕ-пĕри ялсенче
Çĕр ĕçлесе пурăнать.

Пирĕн ялсем пысăк мар,
Ялти халăх пуян мар,
Хăшĕ-пĕри пит йăваш,
Вĕсем пурте шав чăваш.

Тата пирĕн ялсенче
Хура халăх хушшинче
Йытсем хытă йĕреççĕ,
Кăна пурте пĕлеççĕ.

Усал йытсем вĕрмесен,
Е куштан пулмасан,
Пире лайăх пĕлĕччĕ,
Турă пиллĕх парĕччĕ.

Халĕ кăна пăхăр-ха:
Ялти куштан мĕн тăвать,
Хыттăн тискер кăшкăрса,
Йаваш чуна мăкăртать.

Куштан ял пуç пуласшăн.
Хăй ырă курасшăн,
Йăваш çынна тивесшĕн,
Хăех çиеле тухасшăн.

Ялта пуху тусассăн,
Пĕр-ик куштан пырсассăн,
Пĕтĕм халăх лăпланать,
Икĕ куштан ĕç тăвать.

Ĕçне туса пĕтермен,
Эрех ĕçме пуçланă,
Кăна йăваш илтермен,
Куштан илме хуштарнă.

Хура халăх хушшинче
Куштансен ырă курмĕçĕ;
Мĕн чухлĕ усалсем
Халăх эреххи ĕçеççĕ.

Хăйсен çиме çăкри çук.
Çапах çĕрне сутаççĕ,
Выльăх çиме ути çук,
Кăна ĕçсе пĕтереççĕ.

Астăвăр-ха, тăвансем,
Мĕн каланă ваттисем:
«Эпир эрех ĕçме тăрăшман,
Усал тума хăранă,
Çавăнпала пурăннă,
Ампар тулли мул пухнă».

1913

↓ ↓ ↓

Малаллийĕ пĕлтерÿ хыççăн

Сайта кĕртнĕ çĕнĕ текстсем:

• Турă Амăшне Ђиркĕве Леçнĕ Кун Вĕрентсе Калани21/11/2020
• Халăх: Хаяр Иван патша Хусана тытса илни11/11/2020
• Иван Григорьев: Кĕнекесен усси16/10/2020

↓ ↓ ↓

Малаллийĕ