Христосăн Таса Хĕресне Çĕкленĕ Кун Вĕрентсе Калани

Свящ. Николай Кузьмин


Авăн 14-мĕшĕ

Тăвансем! Пайăн епир таса хĕресе ђиркÿ варрине илсе тухрăмăр. Ăна пуççапрăмăр, хамăра çăлăнăç панă Турра тав-турăмăр.

Çак хĕресе асăнса праçник тунă кун енĕ сире хĕрес çинђен пĕр-ик сăмах вĕрентсе калас тетĕп.

Епир тытакан тĕн Христосран пуçланса кайнă. Çавăнпа ăна Христос тĕнĕ теççĕ. Христос тĕнĕпе пурăнакан çынсем пур те хăйсем çине хĕрес хываççĕ, сăх-сăхаççĕ.Малаллине вулас

Турă Амăшĕ Çуралнă Кун Вĕрентсе Калани

Свящ. Николай Кузьминъ.


Авăн 8-мĕшĕ

Таса Турă Амăшĕ çураласси çинђен пророксем ĕлĕкех каласа хунă. Турă Таса Хĕр çураласси çинђен паллăсемпе те кăтартнă.

Ĕлĕк çĕр çине шыв тулсан, Ной хăйĕн çемйипе карап çине кĕрсе çăлăнса йулнă. Çав Нойа çăлнă карап Турă Амăшне пĕлтерет. Ной карапа нумай çулђђен туни Турă Амăшне çĕр çине йама етем йăхне нумайђђен хатĕрленине кăтартат̌. Карапа çĕрмен йывăçран туни Турă Амăшĕ Ађа çуратсан та хĕр халлĕн йулассине пĕлтерет. Ной карапран кăларса йанă кăвакарђăн çу йывăççи туратне илсе пырса савăнтарнă пек, таса Хĕр Марія та Іисус Христоса çуратса пĕтĕм тĕнђене савăнăç кÿнĕ.

Іаков пĕрре тĕлĕкре пусма курнă. Вăл пусма вăрăм пулнă. Унăн пĕр вĕçĕ çĕр çинђе, тепĕр вĕçĕ пĕлĕт çинђе тăнă. Çав пусма Турă Амăшне пĕлтерет. Іаков курнă пусма пĕлĕтпе çĕре пĕрлештерсе тăнă пек, Турă Амăшĕ те Іисус Христоса çуратса ĕлĕк шуйттан уйăрнă çынсене Турăпа пĕрлештернĕ.Малаллине вулас

Геннадий Юмарт & Л. Трофимов: Тимофей Терентьев

Геннадий Юмарт & Л. Трофимов – “Чăваш литератури (XX ĕмĕр пуçламăшĕ)” ятлă хрестомати пухакан ăсчахсем. 2006 çулта кăларнă кĕнеке асăннă тапхăрăн литературине уççăн çутатса парать… Тĕплĕнрех →

Тимофей Терентьев

(1890-1960)

Тимофей Терентьевич Терентьев 1890 çулхи утă уйăхĕн 15-мĕшĕнче Хусан кĕпĕрнин Çĕрпÿ уесĕнчи (халĕ ЧР Тăвай районĕ) Тенеялĕнче вăтам хресчен кил йышĕнче çуралнă, 1903 çулччен ялти пуçламăш класра пĕлÿ илнĕ, 1908-1910 çулсенче Ишекри икĕ класлă шкулта вĕреннĕ, кайран Хусанти учительсем хатĕрлекен семинарире экстерн йĕркипе экзамен тытса, вĕрентекен ятне илнĕ. Пурнăçне вăл учительте ĕçлесе ирттерет, 1921-1923 çулсенче Тăвай вулăс çутĕç пайне тата вулăс ĕçтăвкомне ертсе пырать. Çутĕçĕнче нумай вăй хунăшăн ăна 1949 çулта «Ĕçлĕх Хĕрлĕ Ялав» орденĕ панă.

Малаллине вулас

Н. Иванова & В. Никитин: Кол Гали

Н. Иванова тата В. Никитин – чăваш сăмахлăхне тĕпчесе шкулти ачасем умне кĕнеке кăларса тăратнă коллекив ертÿçисем, авторсем… Тĕплĕнрех →


Кол Гали

(Аслă Пăлхар сăвăçи)

Атăл тăрăхĕнчи халăхсем ырăпа асăнса пурăнакан авалхи сăвăçсем хушшинче Аслă Пăлхар хулинче çуралса ÿснĕ Кол Гали ячĕ пур. Вăл XIII ĕмĕрти чаплă пĕлÿçĕ, тĕпчевçĕ, кĕрешÿçĕ пулнă. Кол Гали поэмине «Уçăппа Сĕлихха» е «Уçăп çинчен калани» теççĕ, ăна тутарла, пушкăртла, вырăсла, казахла, узбекла, туркменла тата ытти халăхсен чĕлхисене куçарнă.

Малаллине вулас

Іисус Христос Пĕлĕт Çине Çĕкленни

Іисус Христос Пĕлĕт Çине Çĕкленнине Асăнса Тăвакан Праçник Кунĕ Вĕрентсе Каламалли

Свящ. Н. Кузьминъ


Іисус Христос вилĕмĕнђен ђĕрĕлсе тăрсан хĕрĕхмĕш кун йулашки хут Хăйĕн вĕренекенĕсене курăннă. Вăл вĕсене Іерусалимрен илсе тухса Елеон тăвĕ çине илсе кайнă. Вăл унта Хăйĕн вĕренекенĕсене йулашки хут пилленĕ те, пĕлĕт çине çÿлелле çĕклене пуçланă. Апостолсем хăраса ÿкнĕ. Христос çĕкленнĕçемĕн çĕкленнĕ, кайран пĕтĕмпех курăнми пулнă. Апостолсем нимĕн тума пĕлмесĕр çÿлелле, Христос çĕкленнĕ çĕрелле, пайтахђен пăхса тăнă. Вĕсем хăйсен шухăшĕпе Христос каллах çĕр çине анĕ, тесе шухăшласа кĕтсе тăнă. Вара вĕсене сасартăк икĕ ангел курăнса каланă: ей Галилея çыннисем, мĕншĕн есир пĕлĕт çинелле пăхса тăратăр? Çак сирĕн патăртан пĕлĕт çине çĕкленсе кайнă Іисус татах килмелле. Есир Вăл пĕлĕт çине çĕкленсе кайнине куртăр. Çавăн пекех Вăл тепĕр хут килмелле, тенĕ. (Дѣян. 1, 9—12). Вара апостолсем йулашки хут çĕре ÿксе пуççапнă та, савăнса Іерусалиме тавăрăннă.Малаллине вулас

Геннадий Юмарт & Л. Трофимов: Иван Козлов

Геннадий Юмарт & Л. Трофимов – “Чăваш литератури (XX ĕмĕр пуçламăшĕ)” ятлă хрестомати пухакан ăсчахсем. 2006 çулта кăларнă кĕнеке асăннă тапхăрăн литературине уççăн çутатса парать… Тĕплĕнрех →


Иван Козлов

(1887-1968)

Иван Федотович Козлов 1887 çулхи авăнăн 25-мĕшĕнче Хусан кĕпĕрнин Етĕрне уесĕнчи (халĕ ЧР Вăрнар районĕнчи) Мăн Явăшра çуралнă, 1901 çулта ялти пуçламăш, ун хыççăн Хапăсри икĕ класлă шкулсенче вĕренет. 1910 çуша Кемерово çывăхне куçса каять, ялти шкулта ĕçлет. 1912 çулта каллех тăван ялне таврăнать. Вăл Пĕрремĕш тĕнче вăрçине хутшăннă, 1918-1929 çулсенче суту-илÿ кооперативĕнче, кредит обществинче ĕçленĕ. Томск облаçне куçса кайнă хыççăн хутпĕнменлĕхе пĕтерес ĕçре вăй хурать, учительсен пĕлĕвне ÿстерекен курсра, университетра вĕренет, пенсие тухичченех учительте ĕçлет.

Малаллине вулас

Геннадий Юмарт & Л. Трофимов: Илле Тăхти

Геннадий Юмарт & Л. Трофимов – “Чăваш литератури (XX ĕмĕр пуçламăшĕ)” ятлă хрестомати пухакан ăсчахсем. 2006 çулта кăларнă кĕнеке асăннă тапхăрăн литературине уççăн çутатса парать… Тĕплĕнрех →


Илле Тăхти

(1889-1938)

Илле Тăхти (Илья Ефимович Ефимов) 1889 çулхи авăнăн 16-мĕшĕнче Хусан кĕпĕрнин Çĕрпÿ уесĕнчи (халĕ ЧР Тăвай районĕ) Нÿшкассинче çуралнă. Малтан кÿршĕ ялти Элпусĕнчи прихут шкулне çÿрет, унтан ялĕнчи пуçламăш шкулта вĕренет, Сĕвери прихут шкулне куçать. 1903 çулта Хусанти учительсем хатĕрлекен семинарие вĕренме кĕрет. 1908-1914 çулсенче вăл – Тавăтри пуçламăш шкул (ЧР Элĕк районĕ) учителĕ. Ун хыççăн Вятка кĕпĕрнине куçса каять, çулталăкран ăна пĕрремĕш тĕнче вăрçине илеççĕ.

Малаллине вулас