Эпĕ куллен пурăнан ĕненÿ: январĕн 2-мĕшĕ

Кунсерен ирхине вуламалли кĕнеке

VulaCV валли ятарлă оригиналлă авторла публикаци  

Эпĕ сире ярса панă материалсем сăнавлă çеç. Апла пулин те публикацилеме хирĕçлеместĕп. Вĕсем сăнавлă пулнине палăртмалла анчах тесе шутлатăп. Манăн авторлăха псевдонимпа палăртсан аван пулĕччĕ.

— Хĕвелтухăç Ăмăрткайăкĕ


Илĕртӳрен хӳтелекенĕ

„Санăн умăнта çылăха кĕрес марччĕ тесе Санăн сăмахна чĕрем тĕпĕнчех тытатăп.“
— Пс.118:11

Йăнăшла вĕрентӳсемпе ултава пула тĕрĕс çултан пăрăнмалла ан пултăр тесен пирĕн ăс чăнлăхпа тулли пулмалла, пирĕн чăнлăх çинчен шухăшласа тăмаллах. Турă Сăмахĕ ăса тăшмана çĕнтермелли хастарсем парĕ. Çыннăн асĕнче Библин сăмахĕсем пуянăн упранса юлнă пулсан, çав çын телейлĕ, мĕншĕн тесен çав сăмахсем ăна хăйне тапăнас илĕртӳсенчен хӳтелеççĕ. Турă сăмах панисем — çав çыннăн хӳтлĕхĕ. «Санăн умăнта çылăха кĕрес марччĕ тесе Санăн сăмахна чĕрем тĕпĕнчех тытатăп.»

Турă Сăмахĕ яланах пирĕн ăсра, пирен çăварта пулмалла. «Çапла çырнă» тени пирĕн якорĕ пулмалла. Турă Сăмахĕпе канашлакан çынсем этем халсăррине ăнланаççĕ, этем чĕрин усал туртăмĕсене çĕнтерме Туррăн хăвачĕ кăна пултарнине пĕлсе тăраççĕ. Вĕсенĕн чĕри яланах кĕлтуса тăрать. Вĕсене Туррăн ангелĕсем упраса тăраççĕ. «Тăшман юханшыв пек капланса килсессĕн, Çӳлхуçа варкăшĕ хăваласа ярĕ ăна.» (Ис.59:19).

Турă çынсемпе Хăйĕн Сăмахĕ урлă калаçать. Камшăн Турă Сăмахĕ – чунĕн апачĕ, çав çын ырă ĕçсем тăвас енпе ăнăçса пырать. Библи — пуян шахта, анчах та унти мула тупмашкăн ĕçлемеллех — ăна тĕпчемелле. Çав çынна илĕртӳсем тапăнсан Турă Сывлăшĕ ăна çав вăхăтра ăна питĕ кирлĕ сăмахсене аса илтерĕ. Çав сăмахсемпе усă курса çав çын илĕртӳсене çĕнтерĕ.

Пирĕн Библине лайăхрах пĕлмелле. Сăваплă Çырăвăн вырăнĕсене аса хурсан, вĕсене пăхмасăр калама вĕренсен, эпир чылай илĕртĕве хăваласа ярăпăр. Шуйттанăн илĕртĕвĕсем килес  çула «Çапла çырнă» текен сăмахсемпе пӳлер. Пирĕн пурнăçра пирĕн ĕненӳпе хăюллăха тĕрĕслекен сăнавсем пулаççех. Вĕсене Иисус Христос пире пама кăмăл тунă хăватпа çĕнтерсе пырсан вĕсем пире çирĕпрех тăвĕç. Анчах та пирĕн Вăл панă сăмаха пĕр иккĕленмесĕр ĕненмелле.


Copyright © 2017 VulaCV: Хĕвелтухăç Ăмăрткайăкĕ. Автор хăйĕн прависене хÿтĕленĕ.

Эпĕ куллен пурăнан ĕненÿ: январĕн 1-мĕшĕ

Кунсерен ирхине вуламалли кĕнеке

VulaCV валли ятарлă оригиналлă авторла публикаци  

Эпĕ сире ярса панă материалсем сăнавлă çеç. Апла пулин те публикацилеме хирĕçлеместĕп. Вĕсем сăнавлă пулнине палăртмалла анчах тесе шутлатăп. Манăн авторлăха псевдонимпа палăртсан аван пулĕччĕ. Манăн псевдоним ак  çак пултăр: Хĕвелтухăç Ăмăрткайăкĕ.
Сире кунсерен ирхине вуламалли кĕнекен пĕрремĕш кунне ярса паратăп. Хакласа парăр, тархасшăн. Çав кĕнекине, май пур таран, çырса пырас тетĕп.

— Хĕвелтухăç Ăмăрткайăкĕ


„Эпĕ утакан сукмака çутатакан çутă
Санăн сăмаху манăн урана çутă кăтартать, манăн сукмака çутатать.“
—Пс. 118:105

Ăшăхлăхлă е чуллă юханшыв тăрăх ишсе пынă чух карапçăна ертсе пыраканни кирлĕ пекех пире те пурăнан пурнăçра ертсе пыраканни кирлĕ. Çак ертсе пыракана ăçта тупас? Вăл — Библи, Туррăн Сăмахĕ.

Турă пире Хăйĕн Сăмахне панă. Унăн Сăмахĕ — пирĕн урине çутă кăтартать, пирĕн сукмака çутатать. Пирĕн пурăнăç пур енчен те ăнăçлă пуласси Библи мĕн вĕрентнине пăхăннинчен килет.

Библи — тĕрĕссипе тĕрĕсмарлăха, çылăхпа сăваплăха палăртаканни. Унта çырса хăварнă Туррăн саккунĕсене хамăр пурнăçра пурнăçласа пырсан кăна эпир çылăха кĕмĕпĕр. Библи — чăнлăх çулĕн картти. Çак карттăна пĕлекенсем хăйсен пурнăçĕнчи тивĕçне, вăл кирек мĕнле пулсан та, пĕр иккĕленмесĕр пурнăçлама пултарайĕç.

Турă Сăмахне ĕненме пăрахсан çын управçăсăр та ертӳçĕсĕр тăрса юлать. Çамрăксем Турăпа ĕмĕрлĕх пурнăçран пăрăнса каяççĕ.
Хальхи тĕнчере усал тăвасси питĕ сарăлнин сăлтавĕ — Библине ĕненменни. Çынсем, Турă Сăмахне йышăнмаççĕ пулсан, хăйсен чĕринчи усал туртăмсене чарма пултаракан вăй-хăвата йышанмаççĕ.

Эпир Турă Сăмахне хамăрăн канашçă (хамăра ăс параканни) тусан, ăна чăнлăха пĕлмешкĕн тĕпчесен, «Санăн сăмахусем пĕлтерни юмарт çынсене çутăлтарать, ăса кĕртет» (Пс.118:130) тени пирĕн пурнăçра пурнăçланайĕ.
Турă Сăмахĕ — çутă та чăнлăх. Вăл Туррăн хулине çитмелли çул çинче кашни утăмрах ертсе пыма пултарать.


Copyright © 2017 VulaCV: Хĕвелтухăç Ăмăрткайăкĕ. Автор хăйĕн прависене хÿтĕленĕ.

Маккавейсен Пĕрремĕш Кĕнеки

Библире Тупмалли Авалхи халал: Моисей: [ Пл | Тх | Лв | Йш | Ск | Историлле: | Нв | Тр| Рф | | | 1Пш | 2Пш | | | Ез | Нм | Ез2 | Ез3 | Тв | Иф | Эс | | | | Ăслăлăх: Ив | Пс | Ыт | Ек | Юр | Ăс | Сх | Пророксем: | Ис | Ир | Хÿ | Вх | Из | Дн | Ос | Ил | Ам | Аи | Ио | Мх | На | Ав | Сф| Аг | Зр | Мл] • Çĕнĕ халал: [Мф | Мк | Лк | Ин | Ĕç | Рм | | | Гл | Эф | Фл | Кл | | | | | Ти | Фм | Ер | Ик | | | | | | Иу | Ÿл ]

Маккавейсен Пĕрремĕш Кĕнеки

1

(1) Филипп ывăлĕ Александр — Македони çынни, Киттим çĕрĕнчен тухнăскер, унчченех Эллада патши пулнăскер — Персипе Миди патшине Дарие çĕнтернĕ те ун вырăнне патшана ларнă; унччен маларах ăна Эллада патшине те лартнă пулнă;

(2) пайтах вăрçă кăларнă вăл, çирĕплетсе тĕреклĕлетнĕ вырăнсене чылайăшне яра-яра илнĕ, çав çĕрсен патшисене вĕлернĕ.

(3) Çĕрĕн вĕçĕ-хĕррине çитсе нумай-нумай халăхăн пурлăхне туртса илнĕ; ун умĕнче пĕтĕм тĕнче шăп пулнă, хăй ĕнтĕ çĕкленсе кайса чапа тухнă, чĕри мăнаçланнă.

Малаллине вулас

Варух Пророк Кĕнеки

Библире Тупмалли Авалхи халал: Моисей: [ Пл | Тх | Лв | Йш | Ск | Историлле: | Нв | Тр| Рф | | | 1Пш | 2Пш | | | Ез | Нм | Ез2 | Ез3 | Тв | Иф | Эс | | | | Ăслăлăх: Ив | Пс | Ыт | Ек | Юр | Ăс | Сх | Пророксем: | Ис | Ир | Хÿ | Вх | Из | Дн | Ос | Ил | Ам | Аи | Ио | Мх | На | Ав | Сф| Аг | Зр | Мл] • Çĕнĕ халал: [Мф | Мк | Лк | Ин | Ĕç | Рм | | | Гл | Эф | Фл | Кл | | | | | Ти | Фм | Ер | Ик | | | | | | Иу | Ÿл ]

Варух Пророк Кĕнеки

1

(1) Çак кĕнеке сăмахĕсене Варух çырнă, вăл Нирия ывăлĕ пулнă, Нирия вара — Маасей ывăлĕ, Маасей — Седекия ывăлĕ, Седекия — Асадий ывăлĕ, Асадий — Хелкия ывăлĕ; Варух çакна Вавилонра,

(2) Иерусалим хулине халдейсем ярса илсе вутпа çунтарса янă хыççăн пиллĕкĕмĕш çулхине, пĕрремĕш уйăхăн çиччĕмĕш кунĕнче, çырнă.

(3) Варух çак кĕнекери сăмахсене Иехонияна — Иоаким ывăлне, Иудея патшине — тата кĕнеке вуланине итлеме пынă мĕнпур халăха,

Малаллине вулас
Franc Kavčič. Артаксес умĕнче Эсфирь

Эсфирь кĕнеки

Библире Тупмалли Авалхи халал: Моисей: [ Пл | Тх | Лв | Йш | Ск | Историлле: | Нв | Тр| Рф | | | 1Пш | 2Пш | | | Ез | Нм | Ез2 | Ез3 | Тв | Иф | Эс | | | | Ăслăлăх: Ив | Пс | Ыт | Ек | Юр | Ăс | Сх | Пророксем: | Ис | Ир | Хÿ | Вх | Из | Дн | Ос | Ил | Ам | Аи | Ио | Мх | На | Ав | Сф| Аг | Зр | Мл] • Çĕнĕ халал: [Мф | Мк | Лк | Ин | Ĕç | Рм | | | Гл | Эф | Фл | Кл | | | | | Ти | Фм | Ер | Ик | | | | | | Иу | Ÿл ]

Эсфирь Кĕнеки

[ Ἐσθὴρ  Esther  אֶסְתֵּר ]

1

1 2 3 4 5
6 7 8 9 10

[Аслă Артаксеркс иккĕмĕш çул патшара ларнă чухне, нисан уйăхĕн пĕрремĕш кунĕнче, Мардохей — Сузă хулинче пурăнакан иудей, чаплă çын, патша керменĕ таврашĕнче ĕçлесе тăраканскер — тĕлĕк курнă. Мардохей вăл Вениамин йăхĕнчен тухнă, ун ашшĕ Иаир, Иаир ашшĕ — Семей, Семей ашшĕ Кис пулнă. Вăл тыткăна лекнĕ çын пулнă. Вавилон патши Навуходоносор ăна Иудея çĕрĕн патшипе Иехонияпа пĕрле Иерусалим хулинчен тыткăна илсе килнĕ. Мардохея ĕнтĕ çакăн пек тĕлĕк тĕлленнĕ: акă хăрушă шăв-шав тăрать, аслати кĕрлет, çĕр чĕтренет, пурте хăраса-сехĕрленсе ÿкнĕ; акă икĕ мăн çĕлен шуса тухать — вĕсем пĕр-пĕринпе тытăçма хатĕр; вĕсем тискерле чашкăраççĕ, çавсен сассипе ĕнтĕ тÿрĕ пурăнакан халăха пĕтермешкĕн ытти пур халăх вăрçа хатĕрленет; акă сĕм тĕттĕм кун, хуйхă-суйхă та куççуль, асап та асар-писер пăлхану çĕр çинче; пулас инкек-синкекрен шикленсе пĕтĕм тÿрĕ халăх шуйханса ÿкет, вĕсем ĕнтĕ вилме хатĕрленсе Çÿлхуçана тархаслама пуçлаççĕ; пĕчĕк çăлкуçĕнчен тапса тухнă евĕр, вĕсем кăшкăрса макăрнинчен тулăх та аслă юханшыв пулса тăрать; çутă çутатса ярать, хĕвел çиçсе тухать, йăвашшисем çĕкленеççĕ те мăнаçлисене пĕтереççĕ, — Турă мĕн тума шутланине Мардохей çапла тĕлĕкĕнче курнă та кайран вăрансассăн, çак тĕлĕке чĕрине хывса, ун тĕлли-паллине каçчен ăнкарса илме тăрăшнă. Мардохей патшанăн икĕ хайранĕпе, Гавафапа тата Фаррапа пĕрле, керменте пулнă, вăл унта çав çынсен, кермен сыхлакансен, калаçăвне илтнĕ те вĕсен вăрттăн шухăшне тĕпчесе пĕлнĕ: вĕсем Артаксеркс патшана вĕлерме хатĕрленеççĕ иккен; вара Мардохей çакăн çинчен патшана евитленĕ; патша çав икĕ хайрана асаплантарнă, лешĕсем хăйсен айăпне йышăнсан, вĕсене вĕлернĕ. Çак ĕç асра юлтăр тесе, патша ăна хут çине çырса хăварнă, çак ĕç çинчен Мардохей те çырса хăварнă. Патша вара Мардохее керменте ĕçлеме хушнă, çакăншăн ăна парне панă. Патша çумĕнчи çынсенчен çавăн чухне Аман — Амадаф ывăлĕ, Агаг çынни — чи чапли пулнă, вăл патша хайранĕсемшĕн тавăрас шутпа Мардохее тата ун халăхне усал тума тăрăшнă.]

Малаллине вулас
Jăhutti Onofern puşne kasat'

Иудифь кĕнеки

Библире Тупмалли Авалхи халал: Моисей: [ Пл | Тх | Лв | Йш | Ск | Историлле: | Нв | Тр| Рф | | | 1Пш | 2Пш | | | Ез | Нм | Ез2 | Ез3 | Тв | Иф | Эс | | | | Ăслăлăх: Ив | Пс | Ыт | Ек | Юр | Ăс | Сх | Пророксем: | Ис | Ир | Хÿ | Вх | Из | Дн | Ос | Ил | Ам | Аи | Ио | Мх | На | Ав | Сф| Аг | Зр | Мл] • Çĕнĕ халал: [Мф | Мк | Лк | Ин | Ĕç | Рм | | | Гл | Эф | Фл | Кл | | | | | Ти | Фм | Ер | Ик | | | | | | Иу | Ÿл ]

Иудифь кĕнеки

יהודית (Йăхутит)

Ку кĕнекене грекларан куçарнă пулнă


1

(1) Навуходоносор патшана ларни вуниккĕмĕш çул çине кайсассăн, вăл Ассири халăхне тытса тăрса аслă Ниневи хулинче патшара ларнă чухне, — ку вăл Миди халăхне тытса тăрса Екбатан хулинче патшара ларакан Арфаксад вăхăтĕнче пулнă;

Малаллине вулас

Ездрăн Иккĕмĕш Кĕнеки

Библире Тупмалли Авалхи халал: Моисей: [ Пл | Тх | Лв | Йш | Ск | Историлле: | Нв | Тр| Рф | | | 1Пш | 2Пш | | | Ез | Нм | Ез2 | Ез3 | Тв | Иф | Эс | | | | Ăслăлăх: Ив | Пс | Ыт | Ек | Юр | Ăс | Сх | Пророксем: | Ис | Ир | Хÿ | Вх | Из | Дн | Ос | Ил | Ам | Аи | Ио | Мх | На | Ав | Сф| Аг | Зр | Мл] • Çĕнĕ халал: [Мф | Мк | Лк | Ин | Ĕç | Рм | | | Гл | Эф | Фл | Кл | | | | | Ти | Фм | Ер | Ик | | | | | | Иу | Ÿл ]

Ездрăн Иккĕмĕш Кĕнеки

1

(1) Пĕрремĕш уйăхăн вунтăваттăмĕш кунĕнче Иосия Иерусалимра Çÿлхуçа ячĕпе пасха ирттернĕ, пасха путекĕ пуснă,

(2) кĕлĕ тумĕ тăхăннă священниксене Çÿлхуçа Çуртĕнче хăйсен вырăнне тăратса тухнă.

(3) Иосия Левитсене, Израиль халăхĕшĕн ĕçлесе тăракансене, каланă: Давид ывăлĕ Соломон туса лартнă Çурта Çÿлхуçанăн таса арчине лартмашкăн хăвăра Çÿлхуçа умĕнче тасалăх тивлечĕ кÿрĕр.

Малаллине вулас